भैरहवा, लायन्स क्लब अफ लुम्बिनी क्रिएटीभले रुपन्देहीको सिद्धार्थनगर नगरपालिका–८ बसडिलवास्थित शिव मन्दिरलाई पानीको जार हस्तान्तरण तथा मन्दिर परिसर सरसफाई तथा प्रसाद वितरण कार्यक्रम गरेको छ ।
भैरहवा क्षेत्रमा स्थापना भएर विभिन्न सामाजिक कार्य गर्दै आएको क्लबले उक्त कार्यक्रम गरेको हो । क्लबकी वर्ष २०२४/०२५ की अध्यक्ष लायनआयुषा पाण्डेको आफ्नो कार्यकालको पहिला कार्यक्रम मन्दिरबाट सुरुवात गरेको बताइन् ।
कार्यक्रममा मन्दिर व्यवस्थापन समितिलाई २ वटा जार हस्तान्तरण र १ ५० बढी भक्तजनहरुलाई प्रसाद वितरण गरिएको क्लबकी कोषाध्यक्ष लायन मीना ज्ञवालीले जानकारी दिइन्।
सो अवसरमा बोल्दै मन्दिर व्यवस्थापन समितिका उपाध्यक्ष नर बहादुर कुँवरले क्लबको टीमलाई सफल कार्यकालको शुभकामना दिए । उनले आगामी दिनमा पनि निस्वार्थ भावनाले यस्तै कार्यक्रमहरू गर्न आग्रह गरे । 
कार्यक्रममा बोल्दै प्रमुख अतिथि लायन्स एरिया–५ का चिफ लायन अभिनव मयूर कसौधनले कार्यकालको पहिलो कार्यक्रम मन्दिरबाट सुरु गर्नु राम्रो भएको बताए । उनले यस्ता कार्यक्रमलाई निरन्तरता दिदै जान आग्रह गरे ।
सो अवसरमा बोल्दै क्लबकी अध्यक्ष पाण्डेले क्लबको मूल उद्देश्य नै समाजसेवा रहेको बताइन् । उनले भनिन्, ‘आगामी दिनमा हामी क्लबलाई बलियो बनाएर लैजानेछौं । क्लबलाई अघि बढाउन सबैको साथ र सहयोगको अपेक्षा राखेका छौं ।’
लायन्स क्लब अफ लुम्बिनी क्रिएटीभ लेडीकी अध्यक्ष लायनआयुषा पाण्डेको अध्यक्षता, कार्यक्रम संयोजक लायन रीता थापाको स्वागत तथा लायन भावना कडरियाको सञ्चालनमा कार्यक्रम सम्पन्न भएको थियो ।
