अख्तियार दुरुपयोग अनुसन्धान आयोग लगायतका संवैधानिक आयोगमा नियुक्तिको विषयमा प्रधानमन्त्रीसहित तीन शीर्ष नेताबीच बालुवाटारमा छलफल भएको छ ।
प्रधानमन्त्री निवास बालुटावारमा प्रधानमन्त्री केपी शर्मा ओली सत्तारुढ नेकपा अध्यक्ष पुष्पकमल दाहाल र कांग्रेस सभापति शेरबहादुर देउवाबीच छलफल भएको हो ।
छलफलमा सहमति भएमा संवैधानिक परिषद्को बैठक बोलाएर नियुक्तिको तयारी छ । अख्तियारमा दुई आयुक्त पद रिक्त छन् । जसमा एक पद कांग्रेसले दाबी गरेको छ ।
नेकपाको कोटाबाट गृहसचिव प्रेम कुमार राई तथा अर्थसचिव राजन खनालको नाम चर्चामा छ । दुवै जना केही महिनापछि अवकाश पाउँदैछन् ।
त्यस्तै सत्यनिरुपण तथा मेलमिलाप आयोग, वेपत्ता आयोगलाई पूर्णता दिन र रिक्त रहेका अन्य संवैधानिक निकायका नियुक्तिका बारेमा समेत छलफल भएको बालुवाटार स्रोत बताउँछ ।
प्रतिक्रिया
सम्बन्धित समाचार
