भैरहवा । नेपालबाट भारत तर्फ लैजादै गरेको अवस्थामा सुन जस्तो देखिने पदार्थ बरामद भएको छ ।
रुपन्देहीको लुम्बिनी सास्कृतिक नगरपालिका १३ कालिदह क्षेत्रबाट कारमा राखेर लैजादै गरेको अवस्थामा सशस्त्र प्रहरी बलको टीमले नियन्त्रणमा लिएको हो ।
स्रोतका अनुसार सीमा सुरक्षा गुल्म, डण्डा, रुपन्देही मातहत रहेको बिओपी बयरघाटले शनिबार राती साढे ९ बजेको समयमा भारत तर्फ जादै गरेको बा.१२ च.३८२० नं. को मारुती सुजुकी कार चेकजाँच गर्दा इटा आकारमा रहेको २ थान सुन जस्तो देखिने पदार्थ बरामद भएको छ । बरामद सँगै गाडी र चालकलाई समेत नियन्त्रणमा लिएको स्रोतले जानकारी दिएको छ । बरामद सामान भैरहवा भन्सार कार्यालय बुझाइएको छ । उक्त बस्तुको मुल्य अन्दाजी करिब २ करोडको रहेको छ ।
यो नाकाबाट अहिलेसम्मकै ठूलो परिमाणमा सुन ल्याएको हुनसक्ने प्रहरीको अनुमान छ । ‘सुनचाँदी व्यवसायीले जाँचेपछि मात्रै सुन हो वा होइन प्रमाणित हुनेछ । बरामद गरिएको उक्त अबैध सुनजस्तो वस्तु ककरहवा नाका हुँदै भारत तर्फ लैजाँदै गर्दा गोप्य सुचनाको आधारमा बरामद गरेको हो । घटनामाबारे अनुसन्धान भइरहेको छ ।
