नेपाल उद्योग वाणिज्य महासंघअन्तर्गतको उद्योग समितिको सभापतिमा राजेश कुमार अग्रवाल चयन भएका छन् । रुपन्देही निवासी उद्योगी अग्रवाललाई महासंघका अध्यक्ष चन्द्रप्रसाद ढकालले सभापतिमा नियुक्त गरेका हुन् ।
अग्रवाल अर्घाखाँची, सिद्धार्थ सिमेन्ट, श्री स्टील, एसियन कन्क्रिटो, मिलानो चप्पल उद्योगलगायतका उद्योगमा आबद्ध छन् । उनी नेपाल उद्योग वाणिज्य महासंघमा दुई कार्यकाल सदस्य भइसकेका छन् । तेस्रो कार्यकालमा उनी उद्योग समितिको सभापतिमा चयन भएका हुन् ।
उद्योग समितिको सभापतिमा चयन भएका अग्रवालले भने, ‘नेपाल उद्योग वाणिज्य महासंघ (एफएनसिसिआई) अन्तर्गतको उद्योग समितिको सभापतिमा मनोनयन गर्नुभएकोमा आदरणीय अध्यक्षज्यूप्रति आभारी छु । हजुरले गरेको विश्वासलाई आफÞनो कार्य क्षेत्रमा पूर्ण योगदान गर्ने वाचा गर्दछु ।’ उद्योग क्षेत्रमा देखिएका समस्या र समाधानका विषयमा पहल गर्ने उनले प्रतिवद्धता जनाएका छन् ।
