भैरहवा । आन्तरिक राजश्व कार्यालय भैरहवाले मंसिर १ गतेदेखि ७ गतेसम्म कर सप्ताह मनाउदै छ । “कर प्रणालीको सार, लगानीको आधार” भन्ने मूख्य नारासहित यस वर्षको कर सप्ताह सुरु गरिएको आन्तरिक राजस्व कार्यालय भैरहवाका प्रमुख कर अधिकृत प्रेमराज पोखरेलले जानकारी दिए ।
“मूल्य अभिवृद्धि ऐन कार्यान्वयन पारेको दिन पारेर मंसिर १ गते देखि राष्ट्रिय कर दिवस मनाउने गरिएको छ । आज देखि ७ दिन सम्म प्रत्येक दिन नया कार्यक्रम गरि कर सप्ताह मनाईरहेका छौं ।” पोखरेलले भलभ “करदातालाई कर तिर्न जागरुक बनाउने, कर सम्बन्धि रहेका समस्याहरु अन्तरक्रियाका माध्यमबाट समाधान गर्ने, र सम्पूर्णमा कर बारे जागरुकता फैलाएर कर तिरु तिरु पार्ने भावना बनाउन हामीले कर सप्ताह मनाईरहेका छौं ।”
२०५४ मंसिर १ देखि हरेक वर्ष कर सप्ताह मनाउने गरिएको छ । पहिलो दिन १ गते शनिबार आन्तकिर राजस्व कार्यालय भैरहवाबाट प्रभात फेरी निकाली देवकोटाचोक हुदै, बैंकरोड, नारायण पथ, बुद्धचोक भएर कार्यालयमै समापन गरिएको छ ।
२ गतेदेखि ७ गतेसम्म करदाता शिक्षा, अन्तरक्रिया र सचेतनाका कार्यक्रमहरु आयोजना हुनेछन् ।
मंसिर २ गते कार्यालय र लुम्बिनी प्रेस क्लबको सहकार्यमा कर शिक्षा तथा अन्र्तक्रिया कार्यक्रम, ३ गते भैरहवा बहुमुखी क्याक्पसमा अध्ययनरत् बिद्यार्थीहरु संगर करकै विषयमा अन्र्तक्रिया, ४ गते देवदहका उद्योगी व्यसायीसंग अन्र्तक्रिया कार्यक्रम, ५ र ६ गते विभिन्न सरकारी कार्यालय, निजि क्षेत्र, पेशागत संग संगठनको विषयमा ब्याडमिन्टन प्रतियोगिता र ७ गते अन्तरिक राजस्व कार्यालयद्वारा भैरहवा र परासी क्षेत्रका उत्कृष्ट कर दाता, कार्यालयका उत्कृष्ट कर्मचारीलाई पुरस्कृत गर्ने कार्यक्रम रहेको प्रमुख कर अधिकृत प्रेमराज पोखरेजलले जानकारी दिए ।
