भैरहवा
भैरहवा भन्सार कार्यालय रुपन्देही संस्थागत तस्करी नियन्त्रणमा एकपछि अर्को सफलता प्राप्त गरेको छ ।
गयराति भन्सारको टोलीले रुपन्देहीको भैरहवा लुम्बिनी सडक खण्डको वेथरीबाट भन्सार छली नेपाल भित्रिएको २ सय १० बोरा चिनी लोड रहेको गाडीलाई चालक सहित नियन्त्रणमा लिएको भैरहवा भन्सार कार्यालयका प्रमुख भन्सार अधिकृत नारद गौतमले जानकारी दिए ।
प्रमुख गौतमका अनुसार गोप्य सुचनाको आधारमा लु २ ख २८३६ नम्बरको ट्रकमा उतm परिमाणको अवैध चिनी नेपाल तर्फ ल्याउदै गर्दा नियन्त्रणमा लिईएको हो । ट्रक चालक मायादेवी गाउंपालिका २ तुलसीपुरका शिव कुमार यादवलाई नियन्त्रणमा लिएर अनुसन्धान अगाडि बढाईएको प्रमुख गौतमले बताए ।
उतm अवैध चिनी पोखरा लैजादै गरेको सोधपुछबाट खुलेको छ उनले भने । सर्वसाधारणका लागि घरायसी सामानमा निकै कडा गरिएपनि नेपालमा संस्थागत रुपमा तस्करीको गिरोह छ भन्ने भैरहवा भन्सारको पछिल्लो सफल अभियानले पुष्टी गरेको छ ।
भन्सार कार्यालयको टोलीले गत भदौ ८ गते सोही क्षेत्रबाट लु २ ख १२९० नम्बरको ट्रक सहित २ सय १० बोरा चिनी वरामद गरेको थियो । भैरहवा भन्सार कार्यालयले तस्करीलाई कुनै पनि हालतमा सफल हुन नदिने प्रण गरेको भन्सार प्रमुख गौमले बताए ।
