भैरहवा, भैरहवा लुम्बिनी रोडस्थित यादवचोक भित्रबाट ट्रक सहित १ सय ६२ बोरा चिनी बरामद भएको छ ।
भन्सार छलेर अबैधरुपमा भित्र्याईएको उतm परिमाणको चिनी आसपास गोदामबाट लोड गरेर बाहिर निकाल्ने क्रममा भैरहवा भन्सार कार्यालयको टालीले बरामद गरिएको प्रमुख भन्सार अधिकृत नारद गौतमले जानकारी दिए ।
उनका अनुसार गोप्य सुचनाको आधारमा तोकिएकै स्थानबाट चिनी लोड गरी ट्रक निस्किदै थियो । भन्सारको टोली पुगेको सुचना पाउनासाथ चालक फरार रहेका छन् । लोडेड ट्रकलाई बाहिरबाट मेकानिकको सहारामा भन्सार कार्यालय पुर्याईएको थियो ।
उनका अनुसार ट्रकमा ८ हजार १ सय केजी चिनी, महोत्तरीमा रहेको सुगर मिलका २ सय खाली बोरा, तौल मेसिन समेत बरामद गरिएको छ । ट्रक, चिनी र अन्य सामानको मुल्य करीब १३ लाख रहेको प्रमुख गौतमले बताए ।
पछिल्लो समय भन्सार छलेर नेपाल भित्र्याई सामान गोदाम गर्ने र विस्तारै बजारमा पठाउने तस्कर गीरोह सक्रिय भएको सुचनाका आधारमा भन्सार प्रमुख नारद गौतम आफै फिल्डमा खटिएका छन् । केही समय अघिमात्र भैरहवाको व्यस्त ठाउं मानिने बुद्धचोक पुर्व कठौतियामा रहेको गोदाममा छारा मारेर ठुलो परिमाणमा अबैध सामानहरु बरामद गरिएको थियो ।
