भैरहवा । रूपन्देहीबाट काठमाडौं जाँदै गरेकाे बसमा ढुंगा लागेर चालककाे मृत्यु भएकाे छ । नारायणगढ-मुग्लिन सडकखण्डअन्तर्गत भरतपुर महानगरपालिका-२९ सत्रकिलो भन्ने ठाउँमा माथिबाट बिहान साढे तीन बजे आसपासमा खसेको पहिरोबाट आएको ढुंगा लागेर बस चालकको मृत्यु भएको हाे । काठमाडौं जाँदै गरेको लु२ख ६५६६ नम्बरको बस चालक नवलपरासी सुनवल नगरपालिका-४ बस्ने ३६ वर्षीय मेघनाथ विकको मृत्यु भएको जिल्ला प्रहरी कार्यालय चितवनका प्रवक्ता भेषराज रिजालले जानकारी दिए ।
ढुंगा लागेर गम्भीर घाइते भएका चालक विकको उपचारको क्रममा चितवन मेडिकल कलेजमा मृत्यु भएको हो । उनीसँगै रहेका यात्रु पनि घाइते भएका छन । शुक्रबार बिहान ३ बजेको समयमा नारायणगढ-मुग्लिन सडकखण्ड अन्तर्गत चितवनको भरतपुर– २९, सत्रकिलोमा माथिबाट पहिरो खसेर बसमा लागेको थियो। बसलाई घटनास्थल नजिकै साईड लगाई राखिएको छ । पहिरोका कारण सडक अवरुद्ध भएको छ । उद्धारका लागि नेपाल प्रहरी र सशस्त्र प्रहरीको टोली परिचालन भएको छ ।
