नेपालमा झण्डै ८० प्रतिशत हिन्दूहरु रहेको बताए । उनले भने, ‘म हिन्दू राष्ट्रको पक्षमा छैन । तर, धर्म निरपेक्ष नकारात्मक शब्द हो । धर्म स्वतन्त्र हुन्छ । त्यही हो मेरो बटमलाइन । मेरो आमाले दैनिक पूजा पाठ गर्नुहुन्थ्यो । मैले बुवा विपी कोइरालालाई सोधे किन आमाले दैनिक पूजा पाठ गर्नुहुन्छ । उहाँले भन्नुभयो, त्यो उसको स्वतन्त्रताको कुरा हो । विपीलाई मानिसहरु नास्तिक भन्थे ।’
राजनीतिमा दुःख गर्न तयार हुनुपर्ने उनले बताए । ‘राजनीति गर्ने हो भने लिने नभइ दिने हो । समाजलाई रुपान्तरण गर्ने हो । समाजलाई केही दिने हो । चुनाव जित्न पैसा चाहिन्छ भनेर भ्रष्टाचार गर्ने होइन । विवेक नभएको व्यक्तिले भ्रष्टाचार गर्छ, उनले भने ।’
प्रतिनिधि सभा सदस्य समेत रहेका डा. कोइरालाले कांग्रेस सरकारमा जाँदा स्पष्ट धारणा लिनुपर्नेमा जोड दिए । उनले महिलालाई सम्मान गर्दै अघि बढाउनुपर्ने बताए । १७ लाख हेक्टर खेतीयोग्य जमिन भएको नेपालमा किन युवाहरुलाई हामीले किसान बनाउन सकेनौ भन्दै उनले प्रश्न गरे । उनले भने, ‘हामी किन मल कारखाना किन राख्दैनौं ? कृषिप्रधान मुलुकमा कृषिमा ३ प्रतिशत बजेट छ । सबै खानेकुरा विदेशबाट आयात गरेर खाइरहेका छौं । यहाँ उत्पादित सुन्तलालगायत वस्तुले उचित बजार पाउन सकेको छैन । ’
कांग्रेस क्षेत्र नम्बर ३ का सभापति सुशील गुरुङको सभापतित्व तथा क्षेत्रीय सचिव एवं प्रवक्ता लेखनाथ भट्टराईको सञ्चालनमा भएको कार्यक्रममा नेपाली कांग्रेस रुपन्देहीका सभापति रामकृष्ण खाण, बुटवल उपमहानगरपालिकाका प्रमुख खेलराज पाण्डेय, लुम्बिनी प्रदेश सभा सदस्य देवी प्रसाद चौधरी, रुपन्देही क्षेत्र नम्बर ३ (क) का सभापति सुरेन्द्रजंग थापा, सिद्धार्थनगर सभापति कोशिष बहादुर खड्का, शुद्धोधन गाउँपालिका सभापति दामोदर पौडेल, सिद्धार्थनगर–४ का सभापति नरेन्द्र प्रसाद रौनियार, प्रकाश बहादुर सिंह खड्कालगायतले बोलेका थिए ।
