भैरहवा । भैरहवा भन्सार नाकाहुदै विना कागजात भारततर्फ जादै गरेको अवस्थामा ट्रक सहित टुथपेस्ट, फेयर एण्ड लबली क्रिम लगायतको सामान भन्सार कार्यालयले नियन्त्रणमा लिएको छ ।
नेपालबाट बाहिरीने क्रममा युपी ५३ विटी ७८८३ नम्बरको टाटा ट्रकमा उक्त सामान भन्सार नाका अगाडिबाट विहीबार साझ बरामद भएको हो । स्राेतका अनुसार उक्त ट्रक भन्सार कार्यालय हुदै नेपालका प्रवेश पाएको थियो ।
भैरहवा भन्सार कार्यालय प्रमुख नारद गौतमले खाली ट्रक भनि जाने नाममा सामान लोड गरि लैजादै गरेको कागजपत्र नभएको ट्रक सहितमाे सामान नियन्त्रणमा लिएको बताए ।
“कागजपत्रविना नेपालबाट भारत जान लागेको सूचना प्राप्त भएपछि ट्रकलाई नाका (भन्सार गेट)बाट नियन्त्रणमा लिइएका छाै । कार्यालयले अनुसन्धान गरिरहेको छ, हामीले भारतीय कस्टमसँग समन्वय गरेर चालक र सहचालक खोज्ने प्रयासमा छाै ।”, आफू काठमाडौं भएकाेले आएर मात्रै पुर्ण विवरण दिने उनले भने । ट्रकमा भएकाे सबै सामानकाे एकिन भएकाे छैन ।
सिमा क्षेत्रबाट नेपालका लागि उत्पादित बहुराष्ट्रिय कम्पनिका उत्पादनहरु अवैध तरिकाले भारत जाने गरेतापनि भन्सार कार्यालय अगाडिबाटै अहिले सम्मकै ठूलो मात्रामा सामान बरामद भएको छ ।
कसले कहाँ काे मार्फत पठाईरहेकाे थियाे भन्ने खुल्न सकेकाे छैन । केही समय अघि पनि यही नाका हुदै भाारत पुगेकाे यस्तै अवस्थामा नेपालका लागि उत्पादित बस्तु बरामद भएको थियो ।
भैरहवामा रहेको डिलरले पछिल्लो समय ठूलो मात्रामा कसैलाई सामान विक्री नगरेको दाबी गरेको छ । बरामद सामान ठुलाे मात्रामा रहेकाे यश क्षेत्रकाे नभई सिमावर्ती जिल्लाका डिलर मार्फत आएकाे हुनु पर्ने दाबी गरे ।
