भैरहवा । रुपन्देहीको मर्चवारमा मंगलबार दुर्गा मूर्ति विसर्जनको क्रममा ३ जना वेपत्ता भएका छन । कोटहीमाई गाँउपालिका वडा नं. १ र ५ को सिमानाको रुपमा रहेका दुईमोहन नदीमा मूर्ति विसर्जनको क्रममा ३ जना दिउसो २ बजे नदीमा बेपत्ता भएका हुन ।
कोटहीमाई १ अमरगंजको मुर्ति विसर्जनको क्रममा स्थानीयहरुले मुर्ति विसर्जन गरेपछि थप केही युवाहरु मुर्ति नदीको भित्री भाग तर्फ लैजाने क्रममा ति मध्ये ३ जना वेपत्ता भएको स्थानीयले जानकारी दिएका छन ।
जिल्ला प्रहरी कार्यालय रुपन्देहीका प्रमुख प्रहरी उपरिक्षक भरत बहादुर विश्वकर्माले ३ जना बेपत्ता भएको प्ुष्टि गरे । स्थानीय, सुरक्षाकर्मी र गोताखोरहरुबाट खोजतलाश जारी रहेको छ । दानव नदी र तिनाउ नदीको संगमस्थल रहेको उक्त क्षेत्रमा विगतबाट नै मुर्ति विसर्जन हुदै आएको छ ।
सोही स्थानमा विगत वर्ष पनि मुर्तिविसर्जनको क्रममा युवाको डुबेर मृत्यु भएको थियो ।
