भैरहवा,चैत
सिद्धार्थ उद्योग बाणिज्य संघले कोभिड १९ भाइरसको महामारी नेपालमा आए त्यसबाट हुने जोखिम न्युनिकरणको बिषयमा छलफल तथा बहस कार्यक्रम गरेको छ ।
प्रमुख जिल्ला अधिकारी महादेव पन्तको प्रमुख आतिथ्यतामा भएको कार्यक्रममा संघका अध्यक्ष कुल प्रसाद न्यौपानेले कोभिड १९ भाइरसको संक्रमण नेपालमा फैलिए जनता मात्र नभएर देशको आर्थिक अवस्था समेत संकटमा पर्ने बताए ।
जनताको स्वास्थ अवस्था संगै सरकारले देशको आर्थिक अवस्था संकटमा पर्न नदिन ठोस योजना बनाएर अघि बढ्नु पर्ने दिए । बिश्वमा महामारीको रुपमा आएको कोरोना भाइरस (कोभिड १९) नेपालमा प्रवेश गरेको खण्डमा नीजि क्षेत्र सरकारसंग सहकार्य गरेर अघि बढ्ने तयार रहेको न्यौपानेले बताए । ।
कार्यक्रममा प्रमुख जिल्ला अधिकारी महादेव पन्तले कोरोना भाइरसको महामारीको बारेमा जिल्ला प्रशासन कार्यालय रुपन्देही गम्भिर रहेको जानकारी दिए । पन्तले बिपद्को समयमा हुने कालो बजारी लगायतका क्रियाकलाप रोक्न नीजि क्षेत्रले सहयोग गर्नुपर्ने बताए ।
कार्यक्रममा प्रहरी प्रमुख उपरिक्षक हेम कुमार थापा, सिद्धार्थ उद्योग बाणिज्य संघका पुर्व अध्यक्ष ओमकार गौचन, महेन्द्र कुमार श्रेष्ठ लगायतको आतिथ्यता थियो ।
