भैरहवा, वैशाख २०
महेश गुप्ता
रुद्रदेवी कला केन्द्र भैरहवाको आयोजनामा डिजिटल प्लेटफर्ममा सक्रिय सर्जकहरूलाई प्रोत्साहन गर्ने उद्देश्यसहित आयोजित ‘क्रिएटिभ अवार्ड २०८३’ शनिबार भैरहवामा सम्पन्न भएको छ ।
कार्यक्रममा करिब एक सयभन्दा बढी क्रिएटिभ प्रतिभाहरूलाई विभिन्न विधामा सम्मान तथा अवार्ड प्रदान गरिएको छ ।
रुद्रदेवी कला केन्द्रका प्रबन्ध निर्देशक सुनिल कुमार गुप्ताका अनुसार कार्यक्रमको मुख्य उद्देश्य युवाहरूलाई डिजिटल क्रिएटिभ क्षेत्रमा आकर्षित गर्दै रोजगारीका अवसर तर्फ उन्मुख गराउनु हो र डिजिटल माध्यमबाट आम्दानी गर्ने सम्भावना बढ्दै गएको उल्लेख गर्नुभयो उहाँले यस क्षेत्रमा करिब एक हजार युवालाई रोजगारी दिने लक्ष्य रहेको जानकारी दिनुभयो त्यस्तै युट्युब, टिकटक र फेसबुकजस्ता सामाजिक सञ्जालमार्फत आम्दानी गर्न चाहने युवाहरूका लागि छिट्टै प्रशिक्षण कार्यक्रम सञ्चालन गरिने तयारी रहेको पनि उहाँले बताउनुभयो ।
कार्यक्रममा नृत्य, गायन, अभिनय, विभिन्न आवाज निकाल्ने कला लगायत सामाजिक सञ्जाल मार्फत आफ्नो सिर्जनात्मकता प्रस्तुत गर्दै आएका प्रतिभाहरूको सहभागीता रहेको थियो ।
