भैरहवा, ९ चैत । सिद्धार्थनगर नगरपालिकाभित्र चैत ८ गते आइतबारदेखि शैक्षिक सत्र २०८२ को आधारभूत तह (कक्षा ८) उत्तीर्ण परीक्षा सुरु भएको छ । नगरपालिकाको शिक्षा, युवा तथा खेलकुद शाखा प्रमुख चेतनशील लम्सालका अनुसार परीक्षामा संस्थागत विद्यालयबाट १ हजार १ सय ५७, सामूदायिकबाट ६ सय ७ र धार्मिक विद्यालयबाट ३ गरी १ हजार ७ सय ६७ जना विद्यार्थी सहभागी छन् ।
परीक्षा सञ्चालनका लागि ४० वटा परीक्षा केन्द्र तोकिएको लम्सालले जानकारी दिनुभयो । परीक्षा आगामी चैत १६ गतेसम्म सञ्चालन हुने उहाँले बताउनुभयो ।
परीक्षाको पहिलो दिन र दोस्रो दिन नगर उपप्रमुख उमा अधिकारी, शिक्षा शाखाका अधिकृतसहितको टोलीले विभिन्न परीक्षा केन्द्रहरुको अनुगमन गरेको छ ।
उपप्रमुख अधिकारीले परीक्षा मर्यादित र व्यवस्थित रुपमा सञ्चालन भइरहेको बताउनुभयो ।
प्रतिक्रिया
सम्बन्धित समाचार
