भैरहवा, समयमा मनसुन सक्रिय नहुंदा रुपन्देहीका तराई जिल्लाहरुमा खानेपानीको समस्या देखिन थालेको छ । खडेरीका कारण खानेपानीको हाहाकार हुन सक्ने भन्दै रुपन्देहीको रोहिणी गाउँपालिकाले असार १३ गते बिहीबारदेखि भूमिगत जल (डीप ट्युबेल, बोरिङ लगायतका माध्यम प्रयोग गरी रोपाई कार्य नगर्न÷नगराउन आग्रह गरेको छ ।
विगत केही समयदेखि खडेरीका कारण रोहिणीमा खानेपानीको समस्या रहेकोले सोमबार बसेको विपद् व्यवस्थापन समितिको बैठकको निर्णयअनुसार सम्पूर्ण गाउँपालिकाबासीमा यस्तो अनुरोध गरिएको अध्यक्ष विद्या प्रसाद यादवले बताए । रोपाई गर्ने मुख्य समयमा वर्षा नहुँदा किसानलाई सास्ती भएको छ ।
प्रतिक्रिया
सम्बन्धित समाचार
